花 色 木 綿
（日本传统单口相声上海话版本）
演出者：笑福亭三喬
翻译：步亭先生
阿拉讲落语，进到正式内容辰光前头肯定要加一段小笑话《阿拉窝里巷额照相簿》
叠段小笑话交怪（非常）受欢迎，观众的反应比听我讲额正式内容辰光还要扎劲
有趟有个观众直接开嘲（起哄）
“侬么，勿好要讲落语了，直接讲小哈算了”
今朝么老规矩，讲正式内容之前，先讲一段《阿拉窝里巷额照相簿》
阿拉小儿（ni）子么刚刚进小学（huo）么几日（nie）
小鬼（ju）么经常性会的讲念么头么脑额言话“阿爸，学堂公开课侬一定要来哦”
小囡岁数小额辰光，碰到公开课，肯定是卖扬勿死额要爷娘去学堂
岁数一大么，就勿会要爷娘去学堂了，
要是叫那去学堂么，板数闯祸了，呵呵，那才有亲身体会对伐
叫我去叠天呢公开课正好来还上：独木桥高头的灰太狼
内容么哈邪气小儿科
大森林里有一条小河，呵呵开国语了
在小河上有一座独木桥，独木桥的木头很细，只能让一个动物走
这天，从对岸来了一只小白兔，而这里走去一头灰太狼，两人在桥中央碰上了
、
灰太狼就是“小白兔，你退回去，让我灰太狼过去
“快快地，快快地让开”
小白兔眼看打不过灰太狼只能乖乖地往后退让灰太狼过去。
灰太狼欺负小白兔一次之后，形成习惯了
只要小白兔一上桥，就从树荫里跳上桥，拦着小白兔让它退回去。
这天，灰太狼要过桥办事，
这时对面走过来一头巨大的狗熊，
两人一碰头，
瞧着黑熊巨大的省区灰太狼自认倒霉
自动往后退，
可黑熊热情地对灰太狼说：“灰太狼，别别，这样得了”
它抱着灰太狼从背上扔了过去，这样两个人都顺利过了桥
个么叠个故事是啥含义呢？
一般性来讲（gang）根据教学大纲
故事讲光，老师会得问（men）学生子
“灰太狼看着远去的黑熊有什么感想呢？”
老师额标准答案呢是
“灰太狼在想，今后自己要遇见比自己弱小的小白兔时
一定不能欺负它，而是要想办法帮助它”
“要帮助弱者，与人为善”
叠个是国家敲（kao）定的教育大纲
教育大纲是叠样子讲
学生仔，尤其小把戏岁数额学生仔，一定勿会吃透叠种精神
个么笑话就来了
课文讲光，老师开始点名了
第一个小姑娘立起来讲
“灰太狼肯定在想黑熊是个大力士，黑熊待人接物很和气”
点来点去么就轮到阿拉额孽子了
老老实实讲，阿拉叠个孽子立起来额辰光，做爷额，多多少少有念期待额
为啥呢
我呢读书辰光就是学柔道额，到今朝还是有空就去练
小鬼头么就有问我“阿爸，侬为啥要练柔道？领舍隔壁才是打高尔夫，打大怪路子，钓阿鱼（en）。侬练柔道做撒？为了打相打啊”
“阿爸侬勿要勿学好，帮人家打相打啊！”
“瞎三话四”“阿爸勿打相打额”
“但是，有人来还地铁高头勿逆勿三，阿爸就要教育教育伊，”
是亲三分相，三代勿出爷家门
我想平常辰光叠样子教育只小鬼（ju）
伊么肯定讲出来“要帮助弱者，与人为善”叠类言话额对伐？
小鬼（ju）被老师叫起来了，伊讲撒？
那（观众）肯定想勿到额，
“太郎同学，你认为灰太狼看到黑熊的背上会有什么想法”
“报告先生，灰太狼在想，只老家生，背高头哪能毛噶许多”
咣当，我被阿拉只小畜生额的言话敲（kao）闷特了
各位家长，叠是只教训，千万不要对自己的言传身教抱有过大信心
言传身教之外，该讲要讲，该打还是要打
叠额勿是“棍棒底下出孝子”
小辰光额坏习惯勿纠正好，到大了就拗勿过来了（纠正不了）
比方讲，锲饭吧唧嘴巴，抖脚，好白相学愣子（结巴），
小辰光么好白相，勿讲，等大了，想改还来勿及了。
坏习惯么还是小事体，呵呵，其实哈勿小了
真额学（huo）坏，当趴儿手（小偷），当贼伯伯么就真额一脚去了
石川五右卫门哪晓得伐
就是动画片《鲁邦三世》里石川五右卫门额“老祖宗”
经常来还传统戏，电影里厢出来那一位。
偷来偷去偷到丰成秀吉窝里巷去，最后被捉牢了
掴到油镬子里，帮油条一样炸特了
只逼样呢，临死之前吟了一首短歌
“小河，浅滩的白砂有尽时，我边哭边看蟹吐泡泡”
啊啊，搞错了搞错了，书读了多就会得有叠种事体
（注:表演者故意把两首著名短歌搞混，来搞笑
上句是石川五右卫门的：石川や浜の真砂は尽くるとも世に盗人の種は尽くまじ）
下句是石川啄木的：東海の小島の磯の白砂にわれ泣きぬれて蟹とたはむる）
讲到叠的，再讲一件事体
石川五右卫么其实勿是油炸额
（日本）伊辰光油老贵（ju）额，能油炸人的噶大一甕（pang）油，用起来忒奢侈了
基本就是镬底浅浅一层油，跟干煎带鱼一样，慢慢煎额
是勿是用葱姜煸过，阿拉就勿晓得了
所以讲听落语还是能增加知识，今后各位听众要多来听，多来看。
总而言之好处交交规。
落语里厢呢会的有交归贼伯伯出来，算起来三只手加起来哈勿够
勿过叠帮赤佬才是阿木灵，阿缺西
勿像歌舞伎，讲谈（日本评书）里厢噶风光。
哈么动画片里鲁邦三世噶聪明，
基本上才是老头梆，老梆瓜，头顶硬（ang）梆梆额冲头
喏比方讲叠只十三点小贼
手里挠了一只信封，跟讨饭花子一样来还弄堂里一只门，一只门敲过来
伊来还做啥？伊准备寻没人蹲额窝里“查户口”
查户口是黑话，正式名称叫入室盗窃
爷叔，爷叔，问一问，我来还寻一个叫草井额人
伊是阿拉亲眷。草井哪能写（xia）？
草字头，下头是个“井”字
名字呢平助？么叠个人？
谢谢侬，谢谢侬
还好么叠人，有了就僵了，册那，今朝哪能才蹲了窝里巷，勿死（xi）出去啦
有人伐？
撒事体？
再会？
今朝真是碰着赤佬了
今朝勿是黄道吉日
算了调一调，调一调
到隔壁弄堂
往（mang）后头绕（niao）过去
额骨头碰着天花板，
叠家人家正面铁将军（锁）把门
后门到忘记关特了
肯定么人，让我看看
有人伐？有人伐？
叠的有个叫饭泡粥的人伐？
饭泡粥先衫（先生）来嗨伐？
来嗨伐？勿来嗨？出去啦
没人（ning）啊？
勿要人吓人，人吓人要吓死人的
阿拉进来咯，进来咯
真是做人勿当心，贼骨头涯进门
赞货，真额一个人哈么
哎呦，册那，哪能叠噶人家，窝里厢测特死光，啥么事（东西）哈么啊？
是空房子？勿是啊
叠的有榻榻米，厨房间有灶头，还有五斗橱
个么肯定有人住来嗨
要么统统摆了壁橱里
哦，我么猜错
（壁橱里）有两只箱子：
注：原文是一个長持（皮箱）一个柳条箱）
叠只里巷啥么事
袜子？破额
围腰（日语写作腹卷），
哪能噶龌龊啊，哦哟哪能还搭了两剁黄坤山啊
哦哟我隔夜饭哈要呕出来了
叠只（箱子）呢？
哦要，么啥啥啊
空箱子藏（kang）了里厢寻西啊
夹层里巷呢！
册那，旧报纸，小广告！
瘪三，一包垃圾（laxi）藏（kang）了噶牢做啥
贼无走空，总要带念啥么事回去
灶头高头有镬子，要么带念白饭回去
啊？镬子哈是空额
瘪三啊，毕第生四，一念念能偷额么事哈么。
＊ ＊ ＊ ＊ ＊
叠只阿木灵，碰到叠种穷瘪三么好拍拍屁股走人了
好死勿死，还勒嗨木踏踏，寻伐寻伐
恹恹交碰到恹恹交，房客么去混堂（浴室）汏浴回来了。
“阿爸，我回来了，么人来寻我是伐？哦，好好”
小偷么脑子勿灵，耳朵老灵额
“要死了，有人要进来了哪能办！哪能办？”
伊奥扫往后门跑，
好巧勿巧，刚刚进来辰光挠门碰上了，现在推啊推勿开了
主人马上要进来了，
贼伯伯勿晓得啦根筋搭牢了
一记头蹿到壁橱里厢藏（kang）起来了。
哦，老长辰光么去混堂，今朝叠把浴嚯适宜了
咦?出鬼（ju）了
刚刚灶披间的饭镬子盖头盖了盖该
哪能开开来了？
隔壁爷叔讲没人来过，个么肯定没来过。。。。。
要西，要西，要西。
榻榻米高头才是脚印，
哦哟，坐垫才被拆开来了
杀根，辣手，贼伯伯有一套
侬只阿缺西，偷到阿拉窝里巷，板数偷勿着么事额呀。。。。。
咦，叠勿是蛮好吗？
二（ni）房东一直勒死吊西额“房钿呢，房钿呢”
个么就帮伊讲
‘窝里巷进了贼，所有钞票，帮值铜钿的么事统统么偷没了，房钿要等一歇’
叠只理由么得话讲喽
喂“二房东，二房东，有贼伯伯，有贼伯伯。二房东，二房东，贼伯伯贼伯伯。二房东是贼伯伯，贼伯伯。”
王老五，哪能了哪能了？
隔壁爷叔，刚刚我出去一歇，窝里巷就进贼了
哈？啥？
刚刚我出去一歇，窝里巷就进贼了
侬再讲一遍？
刚刚我出去一歇，窝里巷就进贼了
哦，个么哪能呢？
贼来过了
哦哟，侬哈是霉招星，房钿被二房东讨了噶长辰光，今朝窝里巷进贼了
诶是额呀，叠额真心碰着赤佬伐？
喂喂，老爷叔侬汪郎汪郎做啥？
二房东，王老五窝里巷遭贼里
夜到头伊出去一歇歇，就有小贼进来过了，阿拉穷叫八叫
啊？小贼？趁侬夜到头去混堂辰光进去偷么事？
爷叔侬哪能晓得啊？王老五帮侬讲啊？奥扫，奥扫。
我帮侬一到去看看（kiki）
喂，王老五，刚刚嘴巴里勿二勿三额是侬对伐？
二房东贼伯伯，额，勿好意思口胡口胡
出事体了，出事体了
晓得来晓得了，侬汪郎汪郎喊啥喊？侬窝里巷进贼了
是哦，还好伊来过了
侬讲啥？我讲还好我来晚（ei）了，帮伊白板怼死哪能办？
哦是叠个意思，侬报警了伐？
啊？
侬窝里巷进贼么，当然要报警咯
阿拉刚刚从混堂里回来，没空去。。。。。
没报警，
嗯，二房东要么侬帮我报警好伐？
言话一句，我进来了
王老五，勿是我讲侬勿好
去混堂么，门哈要关好额呀，
窝里巷有贼进来，损失是侬自噶额呀？对伐
今朝开始侬要当心念了
好，侬讲被偷特啥么事了？
诶？
小贼偷特侬窝里巷啥么事了？
哦，窝里巷钞票帮值钞票额么事（东西），夯呗郎党统统被偷了
喂喂，钞票帮值钞票额么事（东西）总归有具体额么事？
我交上去，（上海对旧警察的蔑称）哈要来问我额
哦，了么尚（非常突然）侬还么醒过来是伐，好我来问侬，侬办我一项一项额讲。
衣裳？啥？
侬箱子里有衣裳伐？
三根柴爿，两块木板？
册那啥宁问木头了，问侬衣裳，穿额衣裳！
对了还有一把菜刀，
侬要去抢银行啊！我问侬被偷特了衣裳伐？
落特一件夹袄（原文是袷）
总算醒转来了，
夹袄额花样呢？
阿拉么花样经？
又睏过去了！
是粗条纹还是细条纹额花样。
叠额叠额，哦侬叠额是斜纹布
阿缺西，记牢叠的交斜纹布
（原文是万筋，特指一种极细的条纹花样）
（夹袄）里子呢？
布头额。。。
屁言话，勿是布还是钢板啊！
对对，阿妈娘帮我讲额，里子要用硬（ang）质念额，钢板钢板，
侬好去死了，叠是夹袄还是煤球炉啊？
侬阿妈娘讲额是“花色木棉”对伐？
是额，是额，花色木棉
哦，那么我写了，斜纹布夹袄，里子花色木棉
还有呢，玄色长罩衫一件
（原文是黑二重羽织）
啊？玄色长罩衫一件。
侬蛮有钞票额么，买得起噶贵（ju）额衣裳
罩衫是三纹还是五纹？
（羽织属于日本的礼服，但平时也可以当常服穿。为了区别衣服的高低档次
所以用印刷在衣服上的纹章数目来作为划分等级的标志，
纹章达到五个就是正式的高端礼服）
咦？
么纹（没门）？逼样开啥国语？有还是么？
有额有额，我有盘蚊虫香
我么言话好讲，玄色长罩衫一件，无（印刷）纹章
帮我加一句，里子是花色木棉
喂喂，长罩衫用额才是高级料足（布料），保暖，软，
叠种料足额衣裳勿大有人加里子额
加层里子么，总归比没好对伐？
侬个人欢喜么问题。。。。
“玄色长罩衫一件，里子花色木棉”
晨燕尾服（morningcoat）一套！
啥？
晨燕尾服（morningcoat）一套！
侬有晨燕尾服（morningcoat）？没看侬着（穿）过
二房东就是侬洋盘了，穿了晨燕尾服来还弄堂里荡来荡去？
叠种衣裳么要到正式场合才好穿出来。
言话没错，个么阿德哥结婚额辰光侬哪能批了一件睏衣就去了
（原文是ドテラ日本老式棉睡衣）
啊，，，，，嗯，，，，
阿德哥开酒水额辰光勿是夜道了，勿好穿
为啥夜道勿能穿？
morningcoatmorningcoat
要morning辰光才好穿额，
侬有一套！
侬有晨燕尾服，蟹哈会得笑可
晨燕尾服（morningcoat）一套，我写上去了
二房东，加一句，加一句叠套晨燕尾服是三纹的
啊？
三纹晨燕尾服
戆卵！世界高头就没带纹章的晨燕尾服？
二房东叠就是侬洋盘，阿拉阿爸叠套晨燕尾服是订做额，特意关照要手工绣纹章。
哦，侬叠样子么。。。就当有好了
晨燕尾服（morningcoat）一套三纹
小贼偷叠种刮三么事做撒？喂，那窝里巷额纹章是啥样子？
一只圆圈里有三角（性）帮正方（形）
蛮清爽么
还有狐仙庙的牌坊，旁边排了十二生肖
子丑寅卯辰巳午未申酉戌亥手拉牢手
册那叠勿是纹章了，是块牌子了来！
十二生肖手拉手，咦，蛇啥地方来额手呢？
里子是花色木棉
西装里子用花色木棉？
侬勿要动气，加木棉是阿拉阿爸留被阿拉额遗嘱。
留啥勿好，留念钞票么侬好伐？好了好了
晨燕尾服（morningcoat）一套三纹里子花色木棉
蚊帐一套。
哈？蚊帐一套
侬语文课是体育老师教啊？
蚊帐讲顶，一顶一顶
哦蚊帐一顶
是麻额伐？
夜道头吊起来
（日语里麻的发应和朝早晨相同的）
勿吊起来还铺开来啊？
蚊帐额材料是麻额，黄麻，披麻戴孝的那个麻
哦，侬写麻丝蚊帐好了
麻丝蚊帐一顶
里子是花色木棉
喂喂，侬用过蚊帐伐？吊起来额，加里子勿透气了
侬听我讲，麻丝蚊帐么勿牢，用特一腔（一段时间）就断特了
个么阿妈娘就讲，被蚊帐加层里子算了。
蚊帐加里子，侬是来里厢睏觉还是冲照片啊？热勿死侬只逼样
热！！！热得来臭要死，热得来蚊子哈勿进来了
侬叠样子讲我输给侬了
那窝里厢蚊帐有里子。。。。。
“麻丝蚊帐一顶，有里子花色木棉”
哎呦，等一歇侬去交呗派出所，我是么面孔去交么了
写来写去一句人言话哈么！个么还有伐？
日本刀一把？
啊？
日本刀
侬有日本刀？
诶，祖传宝刀，藏（kang）了壁橱里巷
侬随意，随意。开心就好
喂再帮侬讲一句，叠种刀勿讲一把，懂经额人叫一振
哦那就日本刀一振
个么是太刀还是胁（xia）差（cha）？
花差差
花，，，，，，侬是蛮像花痴额
太刀是长额（刀）胁差是短额（刀），那窝里厢一振刀多少长？
叠样子（比划）长短
哦叠个是太刀，
“日本刀一振，太刀”
喂，刀高头有字伐？
字？
侬只洋盘！（比划刀背高头）有字伐？
阿拉没侄子，没外甥，洗头房的小妹妹到是帮我蛮好的
劳改胚子！啥宁问侬叠种龌龊事体了
阿拉问侬祖传宝刀高头有刻额字伐？叠额叫铭文
么
老早好讲了，个么就是日本刀一振，太刀。。。。
是的刻着“无铭”两个字
侬，。。。。。无铭。。。。
里子是花色木棉
十三点！刀哪能会有里子！
我么讲清爽。装刀的袋袋里子是花色木棉
个么侬老早好讲来，刀袋里子是花色木棉
外头呢？
外头是大马路！
啥人（ning）问侬外头啥样子了？我问侬装刀额袋袋外头是啥料足？
轧光印花棉布（原文是更纱）
总算有句人话了。。。。。
还有伐？
有额
还有？
还有三百六十五万现钞
现钞还是冥钞？
现钞！现钞！一万块一张，一共三百六十五张！打包来还包裹里巷？
侬有噶许多钞票，做啥欠了我三个号头（月）房钿勿付呢？
我。。。。我本来明朝准备就呗侬额，对伐起对伐起。
哦。。。。。我写上去哦，“现钞三百六十五万”
侬只脱底棺材（无储蓄者），每个号头吃光用光，啥地方来噶许多钞票？
阿拉阿爸留呗我额
那阿爸做撒额？
阿拉阿爸是医生？
医生？就是“晨燕尾服加里子”老先衫（先生）啊！
侬阿爸是看啥毛病额？
医院院长
阿拉阿爸一直讲“阿拉祖上是杜月笙额老师”。
卖扬勿死了，“被盗家庭与杜月笙有师生关系”
侬只要勿要面孔，我就写进去了。。。。。
牛逼越吹越豁边（离谱）
藏（kang）了里厢额阿木灵听来听去终于摒勿牢了
“哪吗搓逼，啥人偷噶许多么事，吹牛逼哪能勿打草稿啊”
磅趟一记，拉开壁橱门，旋出来了
小逼样子，侬册那哪根筋搭错了
哎哟哇，哎呦哇，侬做啥，侬做啥，从壁橱里跳出来薅牢我做撒？
做撒？打侬只逼样！
晨燕尾服！玄色长罩衫！
侬窝里巷有啥么事啊？就一条没汏清爽搭了黄坤山的内裤
逼样侬镬子里厢米哈么（也没）一粒
喂，侬哪能晓得噶清爽？侬啥人（ning）？
啥人（ning）？侬立立牢，勿要吓出尿（si）来，我是侬讲额贼伯伯！
贼伯伯！侬全（can）听到了？
统统听到了。阿拉跳出来就无所谓了，勿吓了
侬拉我去派出所好了
现钞三百六十五万？！侬逼样要挠的出三百六十五万冥钞就算我输忒
啊，对勿起，我吹牛逼么打草稿
啊？侬阿爸勿是医院院长？
勿是哦，阿拉阿爸是红帮裁缝，
杜月笙是侬阿爸学生仔？
阿拉认得伊，伊勿认得阿拉。
哦哟，我碰着侬种房客还算我路道粗，牛逼吹豁边了
牛逼吹豁边勿要紧，里子用花色木棉就来三了
好了，侬勿要花色木棉了，
来，隔壁阿爸打电话
阿拉送侬去宛平南路号锲月饼好了